Бибич
Бибич[1] (лат. Vanellus vanellus) – птица з фамилиї Charadriidae, зоз шора шлюкох. Җиє по влаҗних җемох (плїтких мочарох, влаҗних лукох и польох)[2] у скоро цалей Европи и Азиї, окрем на Исланду.
| Бибич | |
|---|---|
 | |
| Наукова класификация | |
| Царство
Тип Класа Шор Фамилия Род Файта |
Животинї
Гордати (Chordata) Птици (Aves) Шлюки (Charadriiformes) Бибичи (Charadriidae) Vanellus V. vanellus |
| Биномне мено | |
| Vanellus vanellus | |
Випатрунок
ушорицЧарно-билей фарби, длуги од 28 до 31 цм, розпон кридлох 67 до 72 цм, на глави ма длугу ценку чубу. Чарна фарба на кридлох и других часцох цела ма җелєнкасту швицацу ниянсу, брух ма били; кридла му заокруглєни, пирє на крайох билей фарби, цо оддолу лєгко обачиц кед кридла розширени; дҗубок ценки, чарней фарби; ноги помаранчецово[3].
Пожива
ушорицБибич ходзи по блаце и плїткей води и карми ше зоз дробнима безпохребцинарами (инсектами, шлїмаками).
Гнїздзенє
ушориц
Гнїздзи ше по влаҗних паҗицох раз до рока. Самица (җенка) знєше штири җелєнкасти вайца з чарнима точками. Млади бибичата, док нє почню лєтац, бегаю коло гнїзда. Кед ше ґу гнїзду приблїҗує җивотиня або чловек, бибич видава глас вии-ва, надлєтує гнїздо од горе и нагло маха з кридлами.
Селїдби
ушорицБибич до конца новембра одходзи на юг: на сивер Африки, до Пакистану, Индиї и часцох Китаю. Врацаю ше од конца фебруара и у марцу[4].
Бибич на лїстини строго защицених файтох птицох у Сербиї[5].
Вонкашнї вязи
ушориц- Бибич на RSPB
Референци
ушориц- ↑ „Закон о потврђивању споразума о очувању афричко - евроазијских миграторних птица водених станишта” (PDF). parlament.gov.rs.
- ↑ Рашајски, Ј. (2017): Све птице Србије. Лагуна, Београд
- ↑ Д. Савељић, О. Визи, Н. Дубак: Птице Црне Горе и њихова значајна станишта, Подгорица: Центар за заштиту и проучавање птица, 2006.
- ↑ Драган Симић, Слободан Пузовић: „Птице Србије и подручја од међународног значаја,Београд:Лига за орнитолошку акцију Србије. 2008. ISBN 978-86-911303-0-5.”(PDF)
- ↑ Прилог I:„Строго заштићене дивље врсте биљака, животиња и гљива” (PDF)