Бузуки
Бузуки (греч. μπουζούκι, множина: греч. μπουζούκια) то гречески музични инструмент,[1] хтори до Греческей принєсли доселєнци зоз Малей Азиї. Пошвидко постал главни инструмент ребетико жанра и його типох.[2] Основа є сучасней греческей музики. Предня часц корпусу ровна и часто є украшена зоз седефом. На инструменту ше грає зоз плектрумом, так же ше зоз нїм потаргує струни, хтори даваю моцни и оштри метални звук, подобни як звук мандолини, алє є у нїзшим реґистру.
Постоя два файти инструмента бузуки.Трихордо хтори ма три пари струнох и тетрахордо хтори ма штири пари струнох. Трихордо-мали бузуки (ткв. балгамазаки) хтори ма високи, нїжни звук и часц є класичного греческого оркестра, ма соло партиї-часци, лєбо провадзи танци сиртаки и хасапико.
Назва бузукия
ушориц
Назва инструмента походзи зоз Турского слова bozuk а значи же „зламане” лєбо „вименєне” [3] и походзи зоз окремного способу штимованя зоз назву тур. bozuk düzen, хтори найчастейше хасновани на турскей верзиї инструмента тур. saz-bozuk. Бузуки у истей фамелиї як и мандолина и лаута. Першобутно корпус бул видлабани зоз єдней часци древа, подобни як саз, алє после приходу до Греческей, вчасного 1910. року инструмент модификовани. Додате му чежиско, випатрунок превжати од наполитанскей мандолини а тиж и верх под углом нагнути назадок под уплївом наполитанскей мандолини, же би ше достала моц корпусу хтори треба же би витримал грубши челїчни струни. У ребетико музики ше длуго применьовал трострунови тип а 1950. року Манолис Хотис уведол штирострунови тип бузукия.[4]
Популарносц бузукия
ушорицГреческа музика и инструмент бузуки постал популарни дзекуюци двом греческим композитором, Маносу Хадзидакису и Микису Теодоракису хтори триюмфовали и витворели сучасну модерну греческу музику. Бузуки постал у швеце поготов познати дзекуюци музики зоз филма Грек Зорба хтору компоновал Микис Теодоракис.
1960 -тих рокох история бузукия започала и у Ирскей. Спочатку ше хасновал гречески тип бузукия за провадзенє найчастейше флаути и гушлї (виолини), гоч и нє бул особлїви за ирских инструменталистох на бузукию.. Пременка структури инструмента хтора подрозумйовала медзи иншим и сцихшованє ориєнталного характера звуку, и з тим допринєсла значну улогу и популарносц як соло инструмента у ирским оркестру. У Ирскей ше вельо робело на модернизациї бузукия, покля ше нє достал звук – сухши, интонативно яснєйши тембр, характеристични за ирску музику. Ирски бузуки за розлику од греческого ма задню и предню ровну часц. На горнєй часци нєт орнаментични елементи и ма округли отвор як и на ґитари, пре резонантносц. Инструмент бузуки постої и зоз елипсастим отвором.
У цеку шейдзешатих рокох прешлого вику направени успишни подняца же би ше помоцнєл звук бузукия з помоцу електронїки, цо резултовало ткв. Електробузуки. Постоя числени фотоґрафиї помедзи 1953 и 1959. року, на хторих виводзаче солисти тиж и музични ґрупи (бенди) маю причерствени микрофони за помоцнєнє звука на бузукию. Пионире за таки елктрични помоцнєня бузукия були гречески музичаре Манолис Хиотис и Георгос Зампетас. Вони розвили и успишно хасновали окремни пикапи (сензори звукох) за тот инструмент хтори були тирвацо поставени на инструмент. Бузуки опремени и зоз активнима и пасивнима сензорами. Нєшка бузуки пикапи продукую фирми EMG, Lace Actodyne и Seymour Duncan.
Вонкашня вяза
ушорицРеференци
ушориц- ↑ Мишић, Милан, ур. (2005). Енциклопедија Британика. А-Б. Београд: Народна књига : Политика. стр. 188.
- ↑ „Bouzouki”
- ↑ Musical Traditions, Issues 2–4, 1984,pp. 19
- ↑ „Bouzouki name origin”