Владимир Дудаш
Владимир Дудаш (*4. децембер 1933—†3. марец 2021), културни дїяч-ґлумец, режисер и длугорочни директор Аматерского руского театру Дядя.
| Владимир Дудаш | |
|---|---|
 | |
| Народзени | 4. децембра 1933. |
| Умар | 3. марца 2021. (88) |
| Державянство | югославянске, сербске |
| Язик творох | руски |
| Школа | Штредня зубарска школа, Нови Сад |
| Период твореня | 1951—1992 |
| Жанри | зубна протетика, аматерска ґлума,
режия |
| Поховани | у Руским Керестуре |
| Припознаня | плакета Аматерского руского театру
„Дядя”, „Искри култури” КПЗ Войводини, „Зарї култури” КПЗ Општини Кула |
Биоґрафия
ушорицВладимир Дудаш народзени 4. децембра 1933. року у Руским Керестуре. Оцец Дюра и мац Мелания родз. Колошняї. Владимир мал шестри Феброну и Леону. Основну школу Владимир закончел 1944. року а потим и 4 класи ґимназиї з малу матуру у Руским Керестуре. Штредню зубарску школу закончел у Новим Садзе 1951. року. Перше роботне место як зуботехнїчар достал 1951. року у Сенти, а од 1952. по 1955. рок робел у Оджаку, два роки у Кули а од 1958. року по пензионованє (1992) вон робел у Руским Керестуре.
Владимир Дудаш бул оженєти зоз Ану родз. Папуґа, у малженстве мали сина Александра и дзивку Златку.
Анґажованє у култури
ушорицЗоз театралну дїялносцу Владимир Дудаш ше почал занїмац 1952. року, кед почал робиц як зуботехнїчар у Сенти, а предлужел 1953. року у Руским Керестуре дзе почал перше ґлумиц, а вец и режирац. У нашим театралним живоце бул присутни и як член рижних руководзацих целох. Полни 22 роки Владимир Дудаш бул директор Аматерского руского театра Дядя з його сценами у Руским Керестуре и Новим Садзе.
Владимир Дудаш бул активни член Дружтва за руски язик, литературу и културу. Бул предсидатель Надпатраюцого одбору Дружтва и длугорочни предсидатель Секциї Дружтва у Руским Керестуре.
Владимир Дудаш бул активни член Рускей матки.
Владимир Дудаш бул активни член предсидательствох Културно-просвитней заєднїци Войводини и КПЗ општини Кула, член Союзу аматерских театрох Войводини а за свой дружтвени и аматерски анґажман достал вецей награди, медзи хторима плакети Аматерского руского театру Дядя, Искри култури КПЗ Войводини, Зарї култури КПЗ Општини Кула.
Владимир Дудаш умар 3. марца 2021. року у Петроварадину. Поховани є 4. марца 2021. року на теметове у Руским Керестуре.
Владимир Дудаш ґлумел у тих театралних фалатох
ушориц| Рок | Театрални фалат | Улога |
|---|---|---|
| 1953. | М. Ковач: НА ШВИТАНЮ | Митро |
| 1961. | В. Суботич: ЛЮДЗЕ | Саша |
| 1967. | Б. Нушич: ПОДОЗРИВА ОСОБА | Милисав |
| 1967. | К. Трифкович: ШКОЛСКИ НАД'ЗОРНЇК | Писаревич |
| 1969. | М. В. Ґоґоль: ЖЕНЇДБА | Жевакин |
| 1970. | О. Коломиєц: ФАРАОНЄ | Генка Гаврило |
| 1971. | О. Ананєв: ВОВЧИЦА | Василь |
| 1972. | Ж. Фейдо: ПАН ЛОВАР | Бридоа |
| 1972. | И. Франко: УКРАДЗЕНЕ ЩЕСЦЕ | Турман |
| 1974. | Б. Нушич: ОЖАЛОСЦЕНА ФАМИЛИЯ | Адвокат |
Театрални фалати В. Суботича "ЛЮДЗЕ" и К. Трифковича "ШКОЛСКИ НАД'ЗОРНЇК" Владимир Дудаш и режирал.
Литература
ушориц- Дюра Латяк - Владимир Дудаш, биоґрафия, 50 роки Драмского меморияла Петра Ризнича Дядї, Завод за културу войводянских Руснацох, НВУ Руске слово и Дом култури Руски Керестур, Нови Сад, 2018, бок 144.
Вонкашнї вязи
ушориц- Михайло Зазуляк: З нагоди 80 рокох од народзеня Владимира Дудаша, Studia Ruthenica, Дружтво за руски язик, литературу и културу, ч. 18, 2013, б. 177-180.
- Владимир Дудаш (1933-2021), Studia Ruthenica, Дружтво за руски язик, литературу и културу, ч. 27, 2021, б.149
- Умар Владимир Дудаш (1933-2021), С. Орос/Дю. Латяк, Рутенпрес, 3. марец 2021.
- Умар Владимир Дудаш длугорочни директор Аматерского руского театру Дядя, РТ Войводина, 3. марец 2021.