Владимир Маяковски

Владимир Владимирович Маяковски (Баґдати при Кутасию, 19. юлий 1893 – Москва, 14. април 1930) бул русийски писатель и маляр.

Владимир Маяковски
Владимир Маяковски 1927.
Особни податки
Цале мено	Владимир Владимирович Маяковски
Датум родзеня	19. юлий 1893.
Место родзеня	Баґдати, Росийска Империя
Датум шмерци	14. април 1930. (36 р.)
Место шмерци	Москва, СССР
Литературна робота
Период	1912–1930
Найзначнєйше дїло	Хмара у панталонох
Подпис
Урядови веб-сайт
http://v-v-mayakovsky.ru/

У своїм предреволуцийним периодом хтори приведл до 1917. року, Маяковски постал познати як визначна особа русийского футуристичного руху. Вон єден од подписнїкох футуристичного манифесту Пляска явному смаку (1913) и написал писнї як цо то Хмара у панталонох (1915) и Флаута-похребцина (1916). Маяковски под час своєй кариєри написал рижнородни опус змистох: писал писнї, писал и режирал драми, зявйовал ше у филмох, ушорйовал уметнїцки часопис ЛЕФ и правел аґитпроп плакати як потримовка Комунистичней партиї под час Гражданскей войни у Русиї 1917-1922. Гоч Маяковскова робота поряднє указовала идеолоґийну и патриотичну потримовку идеолоґиї большевикох и вельке одушевиє ґу Владимирови Ленїнови, його одношенє зоз совєтску державу вше бул зложени и часто бурни. Маяковски ше часто нашол у зраженю зоз вше векшким уключованьом совєтскей держави до културней цензури и розвойом державней доктрини социялистичного реализма. Дїла котри критиковали лєбо знїчтожовали аспекти совєтскей системи, як писня Розгварка зоз порцияшом о поезиї (1926), и драма Блощица (1929) и Купальня (1929), наишли на знєважованє з боку совєтскей держави и литературного естаблиштмента.

Маяковски 1930. року умар так же ше забил. Аж и после шмерци, його одношенє зоз совєтску державу остал нєстабилни. Гоч Маяковского пред тим оштро критиковали совєтски владово органи, як цо то Русийске здруженє пролетерских писательох (РАПП), премиєр Йосиф Сталїн описал Маяковского после його шмерци як „найлєпшого и найталантованшого поету нашей совєтскей епохи”.

Биоґрафия

Пошол до малярскей школи, бул заварти пре социялистични аґитациї, з одушевийом прилапел Октоберску револуцию и положел до служби свой поетски и малярски талант. Поетску роботу започал як футуриста, стояци на чолє того руху. Намагал ше створиц нову поезию хтора би одвитовала урбаному, а потим и револуцийному периоду историї Русиї и чловечеству. Уведол до поезиї вулґарни слова, жарґонски слова, нароком оштри антиестетизми, творел свойо вирази, часто ше бавел зоз словами, потеди нєпознати метафори, а окреме любел гиперболи.

Розбил традиционалну ритмичну структуру стиха и створел нови, у ґрафичним складу „ґарадичасти” стих, котри окреме вигодно дїйствує становиску реторичного поети котри ше директно обраца велькому аудиториюму. Смисел такей поезиї одведол го директно на револуционерну трибину, митинґ. Експерименталну лирику шлїдза вельки лирски поеми монолоґийного типу Хмара у панталонох, Война и швет, Чловек. Свою поезию свидомо кладол до служби револуциї, писал аґитацийни писнї (Лїви марш), театралне дїло на тему револуциї з библийскима мотивами Мистерия Буфо.

Зоз своїм дїлом барз уплївовал на розвой совєтскей поезиї, а уплївовал и на поетох звонка СССР (Араґон, Бехер, Вапцаров и други)

Снователь русийского футуризма

Маяковски бул єден од сновательох русийского футуризму. Року 1912. зявел ше Пляска явниму смаку, манифест русийского футуризма, котри подписали: Давид Бурлюк, Александар Кручоних, Владимир Маяковски и Виктор Хлєбнїков. Уведол нови жанрово поеми: лирски репортажи, лирско-епски поеми, лирско-фанатистични поеми.

Траґична шмерц

Жил моцни, динамични и полни живот чловека и поети, а умар цихо и поцагнуто: предпоставя ше же ше забил у априлу 1930. року. Його самозабойство остало тайна. Поета явно виявел: „Мержим шицко тото дзе ше шмерц явя и снує! Обожуєм живот та гоч яки бул.” Вон осудзел самозабойство поети Серґея Єсенїна, алє у одпитуюцим писму написал: „То нє способ (другим го нє препоручуєм) алє я нє мам виходу.”

Дїла

Поеми

• Хмара у панталонох (Облако в штанах, 1915)

• Флаута-похребцина (Флейта-позвоночник, 1915)

• Война и швет (Война и мир, 1917)

• Чловек (Человек, 1918)
• 150 000 000 (1921)
• О тим (Про это, Pro eto, 1923)
• Владимир Илич Ленїн (Владимир Ильич Ленин, 1924)
• Лєтаци пролетер (Летающий пролетарий, 1925)
• У шоре! (Хорошо!, 1927)
• На шицок глас (1930)
• Лїви марш

Поетски циклуси и збирки

• Перши (Первое, 1912–1924)

• Я (1914)

• Сатири 1913–1927

• Война (Война, 1914–1916, 8 поема)

• Лирика (Лирика, 1916, Лирика, 1916)

• Револуция (Революция, 1917–1928)

• Каждодньови живот (Быт, 1921–1924)

• Уметносц комуне (Искусство коммуны, 1918–1923)

• Аґитпоеми (Агитпоэмы, 1923)

• Заход (Запад, 1922–1925)

• Америцки поеми (Стихи об Америке, 1925–1926)

• О поезиї (О поэзии, 1926)

• Сатира. (Сатира, 1926)

• Лирика. (Лирика, 1918)

• Публицистика (Публицистика, 1926)

• Дзецинска хижа (Детская, 1925–1929)

• Поеми. 1927–1928

• Сатира. 1928 (Сатира. 1928)

• Културна револуция (Культурная революция, 1927–1928)

• Аґит…(Агит…, 1928)

• Драги (Дороги, 1928)

• Перши од пейц (Первый из пяти, 1925)

• Напредок-назадок (Туда и обратно, 1928–1930)

• Страшни шмих (Грозный смех, 1922–1930; обявене постхумно, 1932–1936)

• Поеми, 1924–1930 (Стихотворения. 1924–1930)

• Хто треба же бим постал? (Кем Быть, Кеб бит'?, обявена постхумно 1931)

Драми

• Владимир Маяковски (1913)

• Жимни туш (1930)

• Владимир Маяковски (Владимир Маяковский. Титловане: Траґедия, 1914)

• Буф мистериї (Мистерия-Буфф, 1918)

• Блощица (Клоп, 1929)

• Купальня (Баня. 1930)

• Москва гори 1905 (Москва горит. 1905, 1930)

Есеї и скици

• Мойо одкрице Америки (Мое открытие Америки, 1926)

• Як правиц стихи (Как делать стихи, 1926)

Други дїла

• Мистерия Буфо

• Пляска явному смаку (1912)

Ґалерия

• 
  Битка медзи Русию и Австроугорску за Галичину (1914)
• 
  Заберанє Львова (1914)
• 
  Плаката
• 
  Збирка стихох Маяковского Я!
• 
  Дом у хторим ше народзел Маяковски
• 
  Маяковски 1910.
• 
  Маяковски 1914.
• 
  Маяковски и червеноармийци 1929.

Литература

• Aizlewood, Robin (1989). Verse form and meaning in the poetry of Vladimir Maiakovsky: Tragediia, Oblako v shtanakh, Fleita-pozvonochnik, Chelovek, Liubliu, Pro eto. Modern Humanities Research Association, London.
• Brown, E. J. Mayakovsky: a poet in the revolution (Princeton Univ. Press, 1973).

• Charters, Ann & Samuel. I love : the story of Vladimir Mayakovsky and Lili Brik (Farrar Straus Giroux, NY, 1979).

•  Humesky, Assya (1964). Majakovskiy and his neologisms. Rausen Publishers, NY.
• Jangfeldt, Bengt (1976). Majakovsky and futurism 1917–1921. Almqvist & Wiksell International, Stockholm.
•  Lavrin, Janko (1948). From Pushkin to Mayakovsky, a study in the evolution of a literature. Sylvan Press, London.
• Mayakovsky, Vladimir (Patricia Blake ed., trans. Max Hayward and George Reavey). The bedbug and selected poetry. (Meridian Books, Cleveland, 1960).
• Mayakovsky, Vladimir. Mayakovsky: Plays. Trans. Guy Daniels. (Northwestern University Press, Evanston, Il). 1995. ISBN 0-8101-1339-2.
• Mayakovsky, Vladimir (2000). For the voice. The British Library, London.
• Mayakovsky, Vladimir (ed. Bengt Jangfeldt, trans. Julian Graffy). Love is the heart of everything : correspondence between Vladimir Mayakovsky and Lili Brik 1915–1930 (Polygon Books, Edinburgh, 1986).
• Mayakovsky, Vladimir (comp. and trans. Herbert Marshall). Mayakovsky and his poetry (Current Book House, Bombay, 1955).
• Mayakovsky, Vladimir (1985). Selected works in three volumes. Raduga, Moscow.
• Mayakovsky, Vladimir (1975). Selected poetry. Foreign Languages, Moscow.
• Mayakovsky, Vladimir (ed. Bengt Jangfeldt and Nils Ake Nilsson). Vladimir Majakovsky: Memoirs and essays (Almqvist & Wiksell Int., Stockholm 1975).
• Novatorskoe iskusstvo Vladimira Maiakovskogo (trans. Alex Miller). Vladimir Mayakovsky: Innovator (Progress Publishers, Moscow, 1976).
• Noyes, George R (1960). Masterpieces of the Russian drama. Dover Pub., NY.
• Nyka-Niliūnas, Alfonsas. Keturi vėjai ir keturvėjinikai (The Four Winds literary movement and its members), Aidai, 1949, No. 24.
• Rougle, Charles (1976). Three Russians consider America: America in the works of Maksim Gorkij, Aleksandr Blok, and Vladimir Majakovsky. Almqvist & Wiksell International, Stockholm.
• Shklovskii, Viktor Borisovich. (ed. and trans. Lily Feiler). Mayakovsky and his circle (Dodd, Mead, NY, 1972).
• Stapanian, Juliette. Mayakovsky's cubo-futurist vision (Rice University Press, 1986).
• Terras, Victor (1983). Vladimir Mayakovsky. Twayne, Boston.
• Vallejo, César (trans. Richard Schaaf) The Mayakovsky case (Curbstone Press, Willimantic, CT, 1982).
• Volk, Craig, "Mayakovsky Takes The Stage" (full-length stage drama), 2006 and "At The Top Of My Voice" (feature-length screenplay), 2002.
• Wachtel, Michael (1998). The development of Russian verse: meter and its meanings. Cambridge University Press.

Вонкашнї вязи

• Биоґрафия Архивоване на сайту Wayback Machine
• Владимир Маяковски на сайту Internet Archive

• Владимир Маяковски на сайту LibriVox

• Vladimir Mayakovsky Archive at marxists.org