Златица
Златица або кромпльова златица (лат. Leptinotarsa decemlineata Say, серб. и горв. златица) то хробачок, твардокриделкови инсект з фамилиї златицох, барз є значни у польопривреди як чкодлївец на кромпльох. Є лїсце кромпльох и кед огриже над'жемни часци тей рошлїни, вона остава без гомольох.
| Златица | |
|---|---|
 | |
| Наукова класификация | |
| Царство: | Animalia |
| Тип: | Arthropoda |
| Класа: | Insecta |
| Ряд: | Coleoptera |
| Подряд: | Polyphaga |
| Фамилия: | Chrysomelidae |
| Род: | Leptinotarsa |
| Файта: | L. decemlineata |
| Биномне мено: | |
| Leptinotarsa decemlineata Say, 1824 | |
Опис
ушорицВелькосц цела одроснутих кромпльових златицох ше руша од 8 по 12 mm, моцней жовтей фарби (по помаранчецову) су зоз 10 воздлужнима смугами. Концом априла и на початку мая кладу ваїчка, зоз хторих ше о тидзень вилягню лїчинки хтори, як и одроснути инсект, єдза лїсце кромпльох, же би поступнє зиходзели до жеми глїбоко од 5 по 10 cm, дзе ше заґалецую. Три тижнї познєйше з ґалеткох вилєтує одроснути инсект, хтори ознова напада и є лїсце кромпльох.
Женски єдинки барз плодни и способни положиц вецей як 500 ваїчка у периодзе од 4 до 5 тижньох.
Знїщованє
ушорицКромпльову златицу ше знїщує з хемийнима средствами, а роби ше и на тим же би ше пренашло биолоґийни методи за редукованє єй числовосци. Випитує ше и можлївосц применьованя даєдних паразитох и ентомофаґних печарочкох хтори би знїщовали того чкодлївца док є у стадиюме лїчинки.
Литература
ушориц- Енциклопедия Нового Саду 12, КОС – ЛЕР, Нови Сад 1999, б. 102
- Оксана Тимко Дїтко, Назви рошлїнох и животиньох у руским язику, Вуковар 2016, б. 73
- Словнїк руского народного язика II, А – Н, Нови Сад 2017, б. 532
Вонкашня вяза
ушориц