Йоаким Виславски
Йоаким Виславски (серб. Јоаким Виславски; *26. децембер 1940.року—†10. септембер 2014. року), фодбалер, фодбалски тренер
| Йоаким Виславски | ||
|---|---|---|
 | ||
| Особни информациї | ||
| Народзени | 26. децембра 1940.року | |
| Умар | 10. септембра 2014. року (73) | |
| Поховани | у Вербаше, Сербия | |
| Висина | 1.75 m | |
| Позиция | нападач | |
| Державянство | югославянске | |
| Сениорска кариєра | ||
Рок
|
Тим
|
Наст. / Ґоли
|
| 1956-1960 | Радник,
Вербас |
|
| 1960-1967 | Партизан,
Беоґрад |
315 (108) |
| 1967-1969 | Олимпия, Любляна | 10 (0) |
| 1969-1971 | Вербас | 35 (8) |
| Вкупно | 360 (152) | |
| Интернационална кариєра | ||
| 1959 | Югославия (18. р.) | |
Биоґрафия
ушорицЙоаким Киме Виславски народзени 26. децембра 1940. року у Вербаше. Оцец Яким и мац Амалия родз. Арваї. Родичи мали штирох синох, Йоаким бул найстарши, та Михал, Владимир и Мирослав. Основну школу и Ремеселску школу за металостругара Йоаким закончел у Вербаше. Познєйше, вон закончел Висшу тренерску школу, напрям фодбал, у Новим Садзе.
Фодбалска кариєра
ушорицФодбал почал бавиц у вербаским ФК Радник, члену Войводянскей лиґи (треци уровень) у хторим як шеснацрочни хлапец уж бавел за сениорски тим. У Юниорскей репрезентациї Югославиї бавел на трох змаганьох як єдини бавяч хтори пришол зоз клубу хтори бавел у трецим уровню змаганя. У младей репрезентациї Югославиї хтору селектовал Милян Милянич, на змаганю зоз СССР у Москви (до 23 роки) вон бул капитен тима. Югославия теди победзела Совєтох зоз 1:0. Бул поволовани и за А тим державней репрезентациї алє нїґда нє одбавел змаганє.
До беоґрадского Партизану пошол бавиц 1959. и уж теди, под тренером Илєшом Шпицом, дебитовал за сениорски тим процив ОФК Беоґрада. Виславски бул стандардни бавяч у тимох Партизана хтори вивойовали штири титули шампиона Югославиї (1960/61, 1961/62, 1962/63 и 1964/65). Бул то найуспишнєйши состав у Партизановей историї, часто споминани як „ партизаново беби“ у хторим под тренерску „ палїцу “ Стєпана Бобека, Кирила Симоновского, Александра Атанацковича и на концу Абдулаха Ґеґича бавели : Шошкич, Юсуфи, Сомболац, Бранислав и Люба Михайлович, Белин, Радович, Йончич, Калоперович, Бора и Милорад Милутинович, Хасанаґич, Дамянович, Васович, Чебинац, Ковачевич, Вукелич, Ґалич, Миладинович, Чуркович, Бечеяц, Рашович, Пирмаєр.
У историї Партизана по розпад СФР Югославиї, Виславски бул медзи дзевец бавячами свойого клуба, алє и Югославиї, хтори освоєл штири шампионски титули. За Партизан одбавел 315 змаганя и посцигнул 118 ґоли ( урядова статистика ФК Паризан). Зоз Партизану 1967. Виславски пошол до люблянскей Олимпиї дзе бавел два роки, кратко бавел у зреняниским Пролетеру одкадз ше враца до Вербасу до городского клуба ( ОФК Вербас).
Кариєра тренера
ушорицКариєру закончел 1971. та ше, потим, пошвецел тренерскей роботи. Як тренер, Виславски мал значни успихи у Вербаше у перших трох рокох кед тим уведол по першираз у историї вербаского фодбалу до другей союзней лиґи. До ОФК Вербас вон ше, под час кариєри тренера, вецей раз врацал и, вкупно патраци, Йоаким Виславски мал найдлугши стаж тренера у историї клуба хтори менял свойо мено у длугоким историйним периодзе. Як тренер ше вязал за войводянски клуби так же ше нє одвойовал од фамелиї. Каждого дня вон путовал на тренинґи и змаганя там дзе робел. Бул тренер фодбалских клубох ФК Спартак (Суботица), Аґроуния (Индїя), АИК Бачка (Бачка Тополя), Гайдук (Кула), Младост (Апатин), Бечей (Бечей), Младост (Бачки Ярак). Єден рок робел у Арсенал (Краґуєвац). При концу фаховей кариєри як тренер-совитнїк Йоаким Виславски робел у Искра (Коцур), Стари Вербас (Вербас), Пролетер (Равно село), Сутєска (Бачко добро полє).
Йоаким Виславски бул оженєти зоз Драґиню родз. Милянски. Винчали ше 1963. року и мали дзивку Татяну. Драґиня умарла 1991. року. Од 1995. року Йоаким жил у заєднїци зоз Єлену Хромиш, наставнїцу музики, по 2009. кед ше Єлена упокоєла.
На Скупштини ветеранох Вербасу достал припознанє же є найлєпши фодбалер у историї вербаского фодбала. У мено почитованя, у Старим Вербаше основане спортске здруженє хторе ноши мено Йоаким Киме Виславски, на чиїм терену поставена його биста хтору виробел скулптор Любо Срданович зоз Вербасу.
Йоаким Киме Виславски умар 10. септембра 2014. року и поховани є на Городским теметове у Вербаше.
Вонкашнї вязи
ушориц- CRNO BELA NOSTALGIJA, crnobelanostalgija.com
- Zbornik medobčinske nogometne zveze Ljubljana 1920-2020 PDF, mnzljubljana-zveza.si
- Joakim Kime Vislavski, youtube.com
- Partizanopedia, Fan-sajt, posvećen statistici i istoriji fudbalskog kluba Partizan
- РТС, спортски споменар, rts.rs
- Йоаким Киме Виславски, НАР, марец 13, 2018
- Йоаким Виславски, Википедия на анґлийским язику