Кан кан

Кан кан (франц. cancan) то танєц, жившого темпа, здогадує на ґалоп у 2/4 лєбо 4/4 такту. хтори ше на початку виводзел по парох, по двойо на балох лєбо у кабареох.^[1] Вимага векшу физично-енерґичну моц (кондицию). У векших салох ше почал виводзиц 1840. року на балох роботнїцкого сталежу на Монпарнасу. Нєшка ше найчастейше традицийно повязує за женски танєчни ансамбл.^[2]

Кан кан, зоз оперети Орфей у под'жемю, композитор-Жан Офенбах

На початку ше танєц волал „каут“ або „каут-кан кан“ (chahut, chahut-cancan - значи скандалозни). Конзервативне дружтво и моралисти нє були прихильнїки того танцу, и нє одобровали го.

Року 1850. Селест Моґадор, професийна танєчнїца, видумала верзию кан кана у хторим танєчнїци танцую у єдним шоре єдна коло другей, обрацени спрам публики. Тот танєц познєйше достал мено французки кан кан. Французки кан кан темпераментни и ма барз швидки темпо и ритем, а танєчнїци потребно же би мали и указали аґилносц хтора ше гранїчи зоз такв. акробацию. Їх фиґури и костими откриваю еротски часци цела. Вони маю обути длугоки чарни ботоши и длугоки сукнї и подсукнї хтори подзвигую и зоз нїма махаю лїво-право. Дакеди у виводзеню участвую и хлопи-танєчнїки. Французки кан кан бул швидко прилапени, виводзел ше по клубох у Паризу, без огляду же мал репутацию, як сексуално провокативни танєц.^[3]

Найпознатшу верзию кан кана компоновал Жак Офенбах (ґалоп зоз його комичней опери Орфей у под'жемю). Вона ше и нєшка виводзи ширцом швета. Познати клуби кан кан танцу у Паризу то Мулен руж и Фоли бержер.

Кан кан бул инспирация велїм композитором, маляром и филмским уметнїком. Французки маляр Анри Тулуз Лотрек намальовал даскельо малюнки и вельо плакати на хторих танєчнїци кан кан-а. Тиж Жорж Сера, Жорж Руо, Пабло Пикасо и другим кан кан бул инспирация за мальованє малюнкох, плакатох...

Кан кан ше швидко розширел и у других жемох по швеце. У Америки кан кан 23. децембра 1867. року представела танєчнїца Жозефина Морлачи, хтора танцовала у часци Дябловей аукциї театра „Комик” у Бостону. Наволани є Grand Gallop Can-Can. зоз ище даскелїма членами. Зоз таким новим темперамнетним танцом публика ше одушевйовала.^[4]

Кан кан у филмох

У велїх познатих филмох ше зявює кан кан танєц. Филм Кан-кан зняти 1960. року, продукция Suffolk-Cummings, а дистрибуция була 20th Century Fox. У филму вельо хасновани тот танєц. Музику и тексти написал Кол Портер за представу, алє за филм даєдни писнї заменєни зоз предходних Портерових мюзиклох. Филм бул зняти у Todd-AO. На початним виданю филм мал добри резултати, алє ше му заш лєм нє удало надокнадзиц трошки продукциї.

Дами сучасного танцу Кан кан

По оперети Франца Лехара Весела ґдовица тиж зняти филм зоз познатима ґлумцами: Френк Синатром и Ширли Меклейн. Попри тих двох познатих уметнїкох-ґлумцох ґлумели у филму; Морис Шевалиє и Луй Жордан, а Дюлиєт Проуз мала першу бешедну улогу у тим длугометровим филму. Френк Синатра, за ґлуму у тим филму плацени зоз 200.000 долари.

Филми:

Дзивка моїх снох (1944)
Хижа зоз воску (1953)
Французки кан кан (1955)
Кан кан (1960)
Моя мила (Душичка) (1966)
Карина (1967)

Кан кан у анґлийским парку (1984)
Леґионар (1998)
Моулин руж! (2001)
Гвиздови прах (2007)
Лєгке справованє (2008)

АРТ ПЛАКАТИ
Бал у Мулен ружу. Плакат Жил Шереа Chéret, 1889
Мулен руж, помоцнїк и менаджер Зидлер, зоз А. Тулуз Лотреком, плакат Жил Шереа (1889), Площа Бланше
Мулен руж А.Тулуз Лотрек1891
Рекламни плакат Мулен ружаАлфреда Коубрац 1896
Плакат Жил Шереа 1890

Литература

Беловинский Л. В. Канкан // Иллюстрированный энциклопедический историко-бытовой словарь русского народа. XVIII — начало XIX в. / под ред. Н. Ерёминой. — М.: Эксмо, 2007. — С. 262. — 784 с. — 5000 экз. — ISBN 978-5-699-24458-4.
Mary Clarke, "Quadrille", in The History of Dance (New York: Crown, 1961).
Aimée Librizzi. «Folies, raconte-moi. La fabuleuse histoire des Folies Bergère» // L'Harmattan, 2008, 146 p. ISBN 978-2296054950.
David Price. «Cancan!» // Cygnus Arts, 1998, 272 p. ISBN 9781900541503.
Nadège Maruta, L'Incroyable Histoire de Cancan: Rebelles et Insolentes, les Parisiennes Mênent la Danse (Paris: Parigramme, 2014).

Вонкашня вяза

Aimée Librizzi. «Folies, raconte-moi. La fabuleuse histoire des Folies Bergère» // L'Harmattan, 2008, 146 p. ISBN 978-2296054950.
David Price. «Cancan!» // Cygnus Arts, 1998, 272 p. ISBN 9781900541503.
Nadège Maruta, L'Incroyable Histoire de Cancan: Rebelles et Insolentes, les Parisiennes Mênent la Danse (Paris: Parigramme, 2014).

Francis Henry Gribble, "The Origin of the Can-can" (1933), reprinted in Dancing Times (London), October 1953, pp. 28–29, 66–67.

Референци

↑ Кан кан, www.cnrtl.fr. Дата обращения: 27 мая 2023,
↑ Кан кан Энциклопедический словарь Брокгауза и Ефрона — 2-е изд. вновь перераб. и значит. доп. — Т. 1—2. — СПб., 1907—1909.
↑ lyrics vault Збирка текстох топ гитох за паметанє Can-can.html, Дата обращения: 19 февраля 2012. Архивировано из оригинала 2 сентября 2005 года.
↑ Marie-Franççpose Christout, "Can-can", in International Encyclopedia of Dance, edited by Selma Jeanne Cohen and others (New York: Oxford University Press, 1998), vol. 2, pp. 52–53.

[1] Кан кан, www.cnrtl.fr. Дата обращения: 27 мая 2023,

[2] Кан кан Энциклопедический словарь Брокгауза и Ефрона — 2-е изд. вновь перераб. и значит. доп. — Т. 1—2. — СПб., 1907—1909.

[3] yrics vault Збирка текстох топ гитох за паметанє Can-can.html, Дата обращения: 19 февраля 2012. Архивировано из оригинала 2 сентября 2005 года.

[4] Marie-Franççpose Christout, "Can-can", in International Encyclopedia of Dance, edited by Selma Jeanne Cohen and others (New York: Oxford University Press, 1998), vol. 2, pp. 52–53.

[1]

[2]

[3]

[4]