Конкорд

Конкорд (франц. Concorde) суперсонични путнїцки авион и други тип авиона тей наменки на швеце котри вошол до транспорту, после русийского Туполєва 144. Поцагнути є зоз транспорту 2003. року, после 27 рокох служби.

Конкорд
Конкорд з 1986. року
Общи податки
Наменка	суперсонични путнїцки
Походзенє	Зєдинєне Кральовство, Французка
Продукователь	Аérospatiale и BAC
Пробни лєт	02. марец 1969.
Почал ше хасновац	21. януар 1976.
Поцагнути є	24. октобер 2003.
Статус	нєоперативни
Димензиї
Маса
Погон
Физични прикмети
Перформанси
Макс. швидкосц на Hopt.	2.180 km/h
Висина лєта	18.300 m

Розвой и прикмети

Настал як плод сотруднїцтва Французкей и Зєдинєного Кральовства, односно компанийох Аероспециял (Aérospatiale) и БАК (BAC). Перши авион полєцел 2. марца 1969. року зоз Тулузу. До комерциялного транспорту вошол 21. януара 1976. року. Випродуковане вкупно 4 прототипи и лєм 16 серийни прикладнїки.

Тот тип авиона у своєй флоти мали лєм два компаниї, Ер Франс и Бритиш ервейз. Причина тому же тот суперсонични комерциялни лєт єдноставно предраги же би ше виплацел, так же Конкорд бул популарни медзи богатима, тима котри себе могли допущиц. Тиж Конкорд бул нєвиплацуюци прето же було потребне вельке количество горива же би ше рушал 2200 km/h. За лєт од Лондону до Нюйорку Конкорд трошел 75 тони горива, цо достаточне за лєт од Лос Андєлесу до Бризбейну. Медзитим нєсподзива и информация же лєм при рулованю на аеродрому потрошел аж 2 тони горива. Просекова швидкосц зоз котру ше рушал була скоро два раз векша од швидкосци звука од 2180 km/h. Тиж так, цо специфичне за суперсонични авиони, Конкорд лєцел на висини од 18.300 метери.

Нєщесце и поцагованє

Єдине нєщесце того типу авиона було 25. юлия 2000. року кед ше Ер Франсов авион при полєцованю зоз аеродрому Шарл де Гол у Паризу запалєл и спаднул на готел хтори ше находзел блїзко при аеродрому. Причина нєщесца бул фалат металу на писти котри одпаднул зоз авиона котри пред тим злєцел. Метал пребил ґуми на авиону, а фалатки ґуми пребили резервоари зоз котрих пречурело гориво и запалєл ше.

Авион поцагнути зоз транспорту 24. октобра 2003. року пре подраженє горива, понеже Конкорд трошел вельо, як и пре драги карти, а бул и вельки заґадзовач околїска. Остатнї лєт бул 26. новембра истого року.

Опатриц ище

Туполєв Ту-144

Боинґ 2707

Ґалерия

• 
  Конкорд 001, 2. марец 1969.
• 
  Остатнї лєт Конкорда 26. новембар 2003.