Константин Циолковски
Константин Едуардович Циолковски (рус. Константин Эдуардович Циолковский; народзени 17. септембра 1857. у месце Ижевскоє при Рязаню, умар 19. септембра 1935. у Калуґи ) бул русийски физичар и пионир науки о виглєдованю вселени. Снователь є модерней космонавтики.
| Константин Циолковски | |
|---|---|
 | |
| Особни податки | |
| Цале мено | Константин Едуардович
Циолковски |
| Датум народзеня | 17. септембар 1857. |
| Место народзеня | Ижевскоє, Руска империя |
| Датум шмерци | 19. септембар 1935.( 78 рок.) |
| Место шмерци | Калуґа СССР |
| Наукова робота | |
| Обласц | Физика |
Вєдно з Херманом Обертом и Робертом Ґодардом[1] Циолковски бул визионер лєценя до космосу. Його найважнєйши дїла то „Албум космичного путованя“ з 1932. и „Найвекша швидкосц ракетох“ з 1935. Нє дожил же би видзел практичну реализацию своїх идейох. Проґнозовал же ше лєт до космосу витвори коло 1950. (Спутнїк лансовани 1957), а же перши людзе полєца до космосу коло 2000. (лєт Юрия Ґаґарина ше витворел 1961).
Досцигнуца
ушорицРоку 1896. Циолковски ше заинтересовал за теорию динамики реакцийних апаратох (ракетох).[2]
Виведол формулу (єдначина Циолковского) хтора повязує:
m0 маса системи з горивом
m1 маса системи на конци патреня
ve ефективна швидкосц згорйованя горива
Δv пременка швидкосци
Δv = Рашчлањивање није успело (SVG (MathML се може укључити преко плугина за прегледач): Invalid response ("Math extension cannot connect to Restbase.") from server "http://localhost:6011/rsk.wikipedia.org/v1/":): {\displaystyle v_e}
lnРашчлањивање није успело (SVG (MathML се може укључити преко плугина за прегледач): Invalid response ("Math extension cannot connect to Restbase.") from server "http://localhost:6011/rsk.wikipedia.org/v1/":): {\displaystyle \frac{m_0}{m_1}}
Под тоту значну формулу записал и датум: 10. май 1897.
Виглєдовал одпор воздуху при лєценю обєктох, принципи хладзеня мотора и управяня з проєктилами з мотором. Указал же запалююци мишанїни хтори хасновани у воєних наменкох лєбо за огньомет нє достаточни же би лансировали предмет до орбити. Конструовал ракети хтори порушовали водонїк, оксиґен и угльоводонїки. Року 1903. обявел роботу „Виглєдованє космосу з реакцийнима апаратима“. Автор є наукового концепту вецейступньових ракетох.
Зоз своїма идеями Циолковски бул визионер свойого часу и у царскей Русиї прицагнул мало уваги. Його идеї преширили нємецки науковци под час 1920-их и 1930-их рокох. Познєйше його одкрица винїмно славени у чаше Совєтского Союзу.
Познате його мудре виречнє же Жем колїска чловечества алє нїхто нє може навики жиц у колїски.[3]
Почесци
ушорицЙому на чесц наволани кратер Циолковски на нєвидлївим боку Мешаца, як и єден астероид. По нїм ше наволує Державни музей историї космонавтики Циолковски.
Рференци
ушориц- ↑ Ciolkovski (Ciolkvoskij), Konstantin Eduardovič , "Hrvatska enciklopedija", Leksikografski zavod Miroslav Krleža, www.enciklopedija.hr, 2014.
- ↑ "Konstantin Eduardovich Tsiolkovsky - Oxford Reference" (язик: анґлийски)
- ↑ "Konstantin Tsiolkovsky - Oxford Reference" (язик: анґлийски)