Концертмайстор

Концертмайстор (нєм. Кonzertmeister; анґл. leader, франц. violon solo). може буц:

• Перши и значни виолиниста у оркестру, водзи ґрупу перших виолинох (гушльох), помага дириґентови и по потреби заменює дириґента. Концертмайстор одвичательни и ма обовязку превериц интонацию-чи шицки инструменти у оркестру правилно наштимовани, преверює и увежбує такв. штрихи и хвати хтори чежши за гранє. Приноши важни одлуки о технїцких елементох и детальох граня найчастейше виолинох.

• Концертмайстор найчастейше уметнїк зоз шорох смикових инструментох. Музичар хтори може водзиц кажду ґрупу смикових инструментох (смикарох), у оперским лєбо симфонийским оркестру. Окрем же грає вєдно зоз оркестру, концертмайстор часто ма и соло-часци хтори вимагаю висши уровень музикованя. Попри музикалносци потребно же би бул барз схопни у интерпретациї и ученю-толкованю музики, указованьом ґестох зоз смиком, отримовню пулса и темпа под час виводзеня композициї итд.

• Пияниста хтори помага виводзачом (шпивачом, инструменталистом, балетским танєчнїком) же би учели и звладали свойо часци и провадзи их на концертох.

У велїх державох у штреднїх музичних школох и на музичних академийох постоя оддїли за корепетитора а после положених одвитуюцих испитох здобуваю фахову квалификацию концертмайстра.

Концертмайстор пред концертом водзи бриґу о велїх аспектох єдного оркестру, поготову о секциї виолинистох а часто и о шицких смикарох-смикових инструментох. На пробох и наступох концертмайстор шедзи зоз лївого боку дириґента, вон найблїжей при публики там дзе ше таке место наволує: перши карсцель, лєбо перши (музични) подиюм (У ЗАД вираз споза першого стола).

Вонкашня вяза

• Концертмайстор (на русийским язику)