Спортиста

Спортиста то особа хтора ма вельку физичну моц, витримовносц и увежбаносц, и змага ше у єдним або вецей спортох.

Спортисти або атлети ше занїмаю зоз спортом професийно або аматерски.

Професийни спортисти вецей тренираю и маю розвитшу мускулатуру, вецей кондициї и векшу витримовносц.

Дакеди ше слово спортиста одноши лєм на атлетских змагательох, медзи нїма и на атлетских и маратонских обеговачох, алє нє и на плївачох, фодбалерох або кошаркашох. Медзитим, у других контекстох (углавним у ЗАД) под тим поняцом ше подрозумює шицких учашнїкох атлетики (физичней култури) у шицких спортох. Под трецу дефиницию як спортисту ше трима кажду особу хтора физично порихтана або моцна, без огляду на тото чи ше змага у даєдним спорту.

Спортисти можу буц професийни або аматере. Векша часц професийних спортистох ма окреме розвиту физичну способносц достату зоз нєпреривну физичну обуку и строгима вежбами, у складзе з одредзеним костираньом.

Дефиниция

Слово спортиста греческого походзеня и означує особу хтора ше змага; од athlos або аthlon, а означує змаганє або посцигнуце. Примарна дефиниция спортисти спрам Вебстерового Трецого нєскраценого словнїка (1960) то особа хтора ше занїма зоз спортом на терену, а окреме зоз ловами и риболовом.

Психолоґия

Спортисти хтори робя окремни вежби маю звекшани крайнї диястолни волумен лївей комори и вироятносц же буду депресивни менша. Пре усиловни физични активносци, частейше од других ходза до салонох за масиранє. Спортисти хторим спорт вимага векшу витримовносц од моци, уноша менєй калориї як други спортисти.

„Ґени спортистох”

Гоч прикмети спортистох у велькей мири завиша од околїска, дума ше же и ґенетика ма свою улогу у тим. Виглєдованя у тим поглядзе нєпреривни.

Йоаким Яша Баков, атлетски репрезентативец

Спортиста за шицко

Спортиста за шицко то особа хтора ше змага у вецей спортох на професийним уровню. Од професийних спортистох хтори ше занїмали зоз вецей спортами то: Джим Торп, Лоянел Коначер, Деон Сандерс, Дени Ейндж, Бейб Захарияс и Ерин Филипс, а Рики Вилиямса, Боа Джексона и Деймона Алена реґрутовали и Major League Beseball професийни фодбалски лиґи, як цо то NFL и CFL. Ище єден приклад то жена Хедер Мойс, хтора достала вецей златни медалї на Жимских олимпийних бавискох у бобу и член є Шветовей хижи познатих у раґбию, представяла Канаду на медзинародним уровню у бициґлизме и змагала ше у кошарки и атлетики на уровню универзитета. Японски спортисти, як цо то Казуши Сакураба, Казуюки Фуджита, Масакацу Фунаки и Наоя Оґава були успишни у професийним пасованю и змагали ше у мишаних борецких схопносцох.

Найлєпши спортисти швета

Титула Найлєпшого спортисти швета традицийно припада найлєпшому змагательови у дзешецбою (хлопи) и седембою (жени) у атлетики. Дзешецбой ше состї зоз 10 дисциплинох: 100 метери, скаканє до далєка, руцанє кулї, скаканє до висока, 400 метери, 110 метери зоз препонами, руцанє диску, скаканє зоз палїцу, руцанє копиї и 1500 метери. Седембой ше состої зоз седем дисциплинох: 100 метери зоз препонами, скаканє до висока, руцанє кулї, 200 метери, скаканє до далєка, копия и 800 метери. Тоти змаганя од спортистох, же би були успишни, вимагаю барз вельки атлетски способносци, як цо то: швидкосц, моц, координация, способносц скаканя и витримовносц.

Вонкашнї вязи

Прецо спортисти спадаю до ґрупи найпродуктивнєйших занятих роботнїкох Блоґ, FitPass
Длугорочни розвой спортистох Йован Понєвич, тренер

Михаил Дудаш, Биоґрафия на сайту Шветовей атлетскей федерациї

Бянка Буша (одбойкашка): Щешлїва пре медалю Б92, Спорт
Атлетичар Яша Баков НОВИНАРСКА АСОЦИЯЦИЯ РУСНАЦОХ, 28. децембер 2017. рок

Яша Баков на Олимпияди у Токию, канал Маковчань, Ютюб, 9. фебруар 2021.

Рукометашка Злата Паплацко НОВИНАРСКА АСОЦИЯЦИЯ РУСНАЦОХ, 27. новембер 2023. рок

Желько Колєсар: Одбойка моя велька спокуса, вебсайт tripod.com, 8. септембер 2007.

Википедия, Катеґория: Спортисти Сербиї

Любомир Фейса, фодбалер Интернет портал Габи Дунаю, 21. октобер 2023. рок
Иван Лендєр, плївач Интернет портал Габи Дунаю, 14. октобер 2023. рок.