Чарли Браун

Чарли Браун
Подоба зоз стрипа	Peanuts
Старосц	8½ р.
Родзени дзень	30. октобер
Автор	Чарлс М. Шулц

Чарлс „Чарли“ Браун главна подоба стрипу Peanuts, хтори ше зявює у новинох у рижних державох по цалим швеце. Представени є як „симпатични тот цо ше траци”. Чарли Браун популарни и широко позната подоба зоз рисованого филму. Чарли Браунов характер приказани так же часто страда, та є прето углавним нервозни и нє ма самодовирия. Указує и песимистичне и оптимистичне становиско: даєдни днї ше аж бої стануц зоз посцелї прето же є нє порихтани за швет, а други днї ше наздава же шицко будзе добре и намага ше же би так и було. Його лєгко мож препознац по округлей глави и його познатей цикцак кошулї.

Чарли Браун (лїво) и його товариш Линус ван Пелт (право)

Чловек хтори го здумал, Чарлс М. Шулц, гварел же Чарли Браун: „муши буц тот хтори настрада, бо вон карикатура просекового чловека. Векшина нас баржей упозната зоз траценьом як зоз побиду.“ Вшелїяк, Чарли Браун нє страда вше, бо през роки прежил щешлїви хвильки и побиди, а дакеди аж и почувствовал и указал довириє гоч бул нервозни. Шулц тиж гварел: „Любим же Чарли Браун на самим концу будзе централна точка скоро каждей приповедки.“ Вон єдина подоба зоз Peanuts хтора ше зявйовала у стрипу шицки 50 роки.

Чарли Браун ма 8 роки за векшину часовей линиї стрипа. На початку жиє у квартелю, а його баба жиє у квартелю хтори ше находзи над нїм; даскельо роки познєйше у стрипу, вон ше селї до обисца зоз двором. Други подоби у стрипу го волаю „Чарли Браун“ , а нїґда нє лєм „Чарли“ , цо важи и за його шестру Сели и Снупия, його пса, єдино го Пеперминт Пати и Марси волаю „Чак“ и „Чарлс“.

Познати вираз

Найпознатши вираз Чарли Брауна, Good grief! дошол до 18. места у емисиї The 100 Greatest TV Quotes and Catchphrases (100 найлєпши TВ вирази) на ТВ Лан.

Вонкашнї вязи

• Вебсайт , www.peanuts.com
• Kultura i umetnostː Neodoljiva filozofija stripova o Čarliju Braunu i Snupiju, bbc.com, (язик сербски)
• Takmičenje u lepoti, youtube kanal, рисовани филм на сербским язику