Древянки

Древянки, єд. древянка – файта древеней обуї (серб. кломпе). Древянки ше ношело вжиме, були вигобльовани з древа, лєгки, а же би були цепли, кладло ше до нїх слами. Обувало ше их на збивани ботоши, а до роботи ше ноги окруцало до онучкох.

Ношело ше их од дижджовней и блатней єшенї до вчасней яри. Правело ше их з мегкого древа (верби або тополї), напредку мали тупи нос, а од задку були плїтки. Правели их колєсаре, пинтере або кудзеляре. Вше були за число-два векши, же би ше могли до нїх положиц слами або окруциц онучки коло ногох.

Литература

Словнїк руского народного язика I, А – Н, Нови Сад 2017, б. 378

Вонкашнї вязи

Дрвене кломпе