Обуй

Обуй состойна часц облєчива, прикрива талпи, а ноши ше прето же би ноги були защицени и же бизме були модерни.

Обуй

Векшина обуї ше состої зоз трох часцох: зоз горнєй часци (вонкашня часц притвердзена за талпу), зоз нукашнєй часци або постави и зоз долнєй часци або талпи. Женска обуй звичайно ма запетки. Даєдна обуй ше вяже зоз шнурками, а иснує и обуй на лїпканє. Вирабя ше у рижних велькосцох и числох.

Худобне жительство слабо розвитих державох часто нє ноши обуй. Дакеди ше обуй нє ноши пре вирски причини, як цо то при уходзе до святих будинкох. Ботоши ше хасную при ношеню ципелох. При ношеню папучох, папучох на єден палєц (японкох) и подобней обуї, ботоши ше нє надзиваю.

Найстарша обуй пренайдзена у пещери Fort Rock Cave у америцкей союзней держави Ореґон. Там пренайдзени сандали зоз тканого материялу, и зоз радиокарбонску методу утвердзена їх старосц од найменєй 10.000 роки. Медзитим, у истей пещери пренайдзени и шлїди обуї хтори здабу на сандали, а їх старосц коло 500.000 роки пред Христом.

Материяли зоз хторих ше вирабя обуй то: скора (найчастейши материял), ґума, древо, пластика, платно, метал, юта.

Файти обуї
Ципели Чижми Сандали Патики Балетанки Ципели зоз грубу талпу Балеринки (обуй за балерини)	Папучи Японки (папучи на єден палєц) Бочкори Древянки Копачки (обуй за фодбалерох) Ролшуи Роботна обуй

Етимолоґия

Лубор Нидерле, чески антрополоґ, археолоґ, етноґраф и историчар, на основи историйних и археолоґийних податкох, иконоґрафского материялу, найстарших церковних илустрованих рукописох и на основи других, нє лєм славянских рукописох, заключел же Обувь заєднїцка славянска назва за обуй. Твердзел же стари Славянє хасновали обуй хтора здабала найстаршим бочкором, а познєйше таку обуй ношели и карпатски и балкански Славянє.

Вонкашнї вязи

• Горватска енциклопедия Leksikografski zavod Miroslav Krleža

• Обуй, www.enciklopedija.hr