Романтизем (литература)
| ЛИТЕРАТУРА |
|---|
|
Романтизем то литературноисторийне типолоґийне поняце и литературни рух. Зявел ше на початку 19. вику як процивносц класицизму, и котри прейґ уметносци и кнїжовносци похопйовал швет чловекових чувствох, и за розлику од рационализма виражел ирационализем, побиваюци тези о античней уметносци як идеалней и глєдаюци свойо жридла у усней уметносци и усним твореню власного народу, алє и страних, часто по теди и еґзотичних народох, односно у оддалєних историйних часох.
Наставанє поняца и ширенє значеня
ушорицРомантизем ше як литературни напрям розвил у водзацих европских литературох, перше у нємецкей, а познєйше у французкей и анґлийскей литератури, а пошвидко залапел и народи котри у тедишнїм чаше розвивали свою националну свидомосц доставаюци мотивацию од романтичарских идеолоґийох. Стилистична формация романтизма менєй когерентна од класицизма, преовладує у европских кнїжовносцох у епохи котра облапя остатню децению 18. вика – даґдзе зоз баржей наглашенима предромантичнима стилами и периодами – и тирва по першу трецину 19. вика (по 40. роки), алє охабя свойо шлїди у познєйших часох, найбаржей у лирскей поезиї, а длугше тирванє романтизем витворює у литератури зоз наглашену националну функцию.
Поняце настало од прикметнїка „романтични” и означує дацо цо подобне на штредньовиковни роман, цошка фантастичне, авантуристичне, чудесне, потим и чувствительне, и уж у своїм наставаню нє бул виключно вязани лєм за литературу и уметносц, алє представял одредзене животне становиско и способ справованя, а тому широкому и вецейфайтовому значеню допринєсла и романтичарска литература, та його улога нєшка барз широка и у бешедним язику.
Як литературноисторийне поняце ше зявює у 17. вику у Анґлиї (1674) и Французкей (1669), перше ше применює на италиянских поетох Ариоста, Боярда и Пулчия, а при Вортонови (On the origin of romantic fiction in Europe 1774) уж похопена процивносц штредньовиковней и ренесанскей литератури як и класицизму. Зоз Анґлиї тото поняце преходзи до Нємецкей, а хаснує го Хердер (1766), а потим го и нємецки историчар у значеню „шицки поезиї написани у традициї хтора ше розликує од тей чийо походзенє зоз класичней антики” (Велек). Як опозицию поняца „класичне” розвили термин „романтични” и „романтичне” браца Шлеґел, а поготов Авґуст Вилгелм Шлеґел у своїх преподаваньох медзи 1798. и 1811. року, у котрих як романтичу кнїжовносц означели Шекспирово твори, шпанска драма и романса, шкотски балади, нємецки епи и поезия италиянскей ренесанси.
Начала романтизма
ушориц- Доминация стиха: писня, балада, роман у стиху, сказка у стиху, поема
- Напущованє класицистичних идеалох
- Визначує ше проблем ґения
- Сцеканє од стварносци до швета снох, мриї, до прешлосци (штреднї вик)
- Субєктивносц и индивидуализем
- Интересованє за нєзвичайне, винїмкове
- Женски подоби маю атрибут божеского єства
- Любов платонска, спиритуална
- Национални знаки
- Интересованє за фолклор
- Мотиви любови, родолюбивосци, природи
- Шветови боль
- Язик розкошни, сликовити
Представителє
ушорицАнґлия
- Семюел Тейлор Колридж
- Вилєм Вордсворт
- Перси Шели
- Джон Китс
- Байрон
ЗАД
- Едґар Алан По
- Генри Дейвид Торо
- Ралф Волдо Емерсон
Русия
- Александар Пушкин
- Михаил Лєрмонтов
Французка
- Виктор Иґо
- Алфред де Винї
Нємєцка
- Гердер
- Гайнрих Гайне
Сербия
- Бранко Радичевич
- Дюра Якшич
- Йован Йованович Змай
- Лаза Костич
Литература
ушориц- Николић, Љиљана; Милић, Босиљка (2016). Читанка за други разред средње школе. Београд: Завод за уџбенике и наставна средства.
Вонкашнї вязи
ушориц