Тенор

Тенор (лат. tenere — тримац) то найвисши хлопски глас у модалним реґистру, т.є. вокални реґистер найчастейше хасновани у шпиваню и бешеди. Находзи ше понад баритона.

Лучиано Павароти, оперски шпивач тенорского гласу (2002. року)

Типични тенор ма розпон гласу од c-а у малей октави (261,6 Hz) (октаву спод штреднього c1) по c2 у другей октави (єдну октаву понад штреднього c1) (523,2 Hz). У хорскей музики розпон тенора по а1. Окремнa красотa тенорского гласу приходзи до вираженя у горнїм реґистру по c2 у другей октави) такв. По русийским подзелєню ’’горнї високи’’ c2. Тенор други найважнєйши глас, понад баса и спод алта и сопрана. З оглядом же ше ,,прави’’ тенорски глас нє часто стрета, висши баритони лєбо нїзши алти шпиваю тенорску улогу.

Слово о такв. „кральовских” тенорских гласох, за хтори ше у Италиї а и других жемох швета, таким шпивачом надополльнює з високим хонораром. И гоч шпивач-поєдинєц зоз високима тонами гласу нє сам себе циль, тенор без високих тонох, лєбо зоз слабшим гласом нє може буц солиста у опери, вон вигодни за хор теди кед же може шпивац фалсет. Потим шлїдза други вокално-технїчни прикмети и виводзацки квалитети (моц гласа, тембр, рухомосц гласу итд.) нєобходни каждому шпивачови. Спрам основного характеру и моцносци звука, тенори ше дзеля на лирски, драмски и други файти.

Лирски тенор-Луис Дамасо, шпански оперски шпивач

У опери єст вецей файти тенорох. У класичней музики тенорски глас одредзени по вокалним розпону, вокалней фарби, вокалней чежини (теситури), т.є. розпону у хторим глас найприроднєйши и найлєгчейше го формовац и репродуковац/шпивац у вокалней резонанци и местох дзе глас вименєни т.є. у пасажох (passaggio). Наведзени прикмети гласу хасную ше при оценьованю каждого типу гласа и гласовного розпону, нє лєм тенорового.

Файти тенорох:

• Лирски - лирски тенор (di grazia) глас хтори мегки, „стриберни” , хтори рухоми, краши го мелодийносц и милозвучносц.

• Драмски тенор (di forza) то моцни глас зоз ясним тембром. Дакеди ше пре волумен и богатство звука драмски тенор може заменїц зоз лирским баритоном.

• Колоратурни, лирско-драмски тенор, виводзи часци лирского и драмского репертоара. По моцносци звука и драмским виразу лирско-драмски тенор инфериорнєйши лєм од драмского.

• Спинто (ит. значи "ґурнуц") то вокални вираз хтори ше хаснує же би охарактеровал сопранскому лєбо тенорскому гласу волуменску чежину помедзи лирского и драмского, хтори способни же би зоз шпиваньом вицагнул високи музични тони у опери зоз умеренима интервалами. (Дакеди ше за означаванє тей катеґориї гласу хаснує назва lirico-spinto лєбо jugendlich-dramatisch). Тенори спинто можу прешвечлїво шпивац лирски улоги Родолфа у оперох Боеми, Войводи у Риґолето и Алфреда у Травияти, тиж брилїрую у чежких часцох як Каварадоси у Тоски, Дон Гозе у опери Кармен и Радамес у Аиди, Канио, у Паяцох, и Лоенґрин и други добре познати приклади спинто тенорских улогох.

• Контратенор найвисши медзи хлопскима оперскима гласами. Розпон му од е малей октави по е2 у другей октави.

• Баритонални баритон тенор то глас хтори ма характеристики и баритона и тенора. По моцносци звука може буц єднаки и лирскому и драмскому тенору (напр. у улоги Мима зоз циклуса Персцень Нибелунґа Рихарда Ваґнера), алє ма менши горнї розпон.

• Алтино тенор, (по русийским подзелєню) високи глас зоз лєгчейшим тембром и дзвонкима горнїма тонами. Тот глас инфериорни у одношеню на контратенор по тим же є високи хлопски глас, док за контратенор постої думанє же є женственши.

Найпознатши тенорски улоги у оперох:

• Отело, Отело

• Войвода зоз Монтави, Риґолето

• Канио, Паяци

• Лорис, Федора

• Ґабриєл, (оперета) Шлєпи миш

Литература

• Соловйов Н.Ф. Глас у вокалней музики // Энциклопедический словарь Брокгауза и Ефрона: в 86 т. (82 т. и 4 доп.). — СПб., 1890—1907.

• Сикур П. И. «Воспою тебе».
• Кочнева И; Яковлева А. «Вокальный словарь» (Издание № 2)